Əfqanıstanın paytaxtı Kabildə şiddətli partlayış baş verib.

Partlayışdan dərhal sonra silahlı qarşıdurma qeydə alınıb.

“Röyters”in xəbərinə görə, hadisə yerinə çox sayda təhlükəsizlik qüvvələri işçisi göndərilib.Hadisə zamanı ölü və yaralıların olub-olmadığı barədə bilgi verilmir.

Partlayışın meydana gəldiyi bölgədə “Care International” humanitar yardım qurumunun ofisi, Baş Prokurorluq və polis bölməsinin binası yerləşir. Şahidlərin ifadəsinə görə, partlayışın hədəfi polislər olub.