Masallıda ölümlə nəticələnən yol-nəqliyyat hadisəsi baş verib.

Bakupost.az-ın məlumatına görə, hadisə rayonun Təzə Alvadı kəndində baş verib.

Kənd sakini, 1987-ci il təvəllüdlü Elmar Səfərovun idarə etdiyi "Cherry" markalı avtomobil Astara istiqamətində hərəkətdə olarkən idarə etməni itirərək yolun kənarındakı ağaca çırpılıb.

Xəstəxanaya yerləşdirilən sürücü aldığı xəsarətlərdən ölüb.

Faktla bağlı cinayət işi başlanılıb.