Cəlilabad şəhərində ikimərtəbəli yaşayış binasında yanğın baş verib.APA xəbər verir ki, şəhərin H.Əliyev prospektində yerləşən ümumi sahəsi 690 m² olan ikimərtəbəli yaşayış binasında yanğın baş verib.
Binanın ikinci mərtəbəsində Fərman Nəhmətova məxsus ümumi sahəsi 78 m² olan 2 otaqlı mənzilin mətbəxinin yanar konstruksiyaları 15 m² sahədə və 1 otağının tavanı 17 m² sahədə yanıb.
Hadisə yerinə FHN-in Cəlilabad Yanğından Mühafizə Hissəsinin texnikaları və canlı qüvvəsi cəlb edilib.
Yanğın söndürülərək ətrafa keçməsinin qarşısı alınıb.
Faktla bağlı araşdırma aparılır.