Bakıda gənc qızların itkin düşməsi ilə bağlı polisə müraciət daxil olub.Publika.az xəbər verir ki, Binəqədi rayon 7-ci mikrorayon A.Kunanbayev küçəsində yaşayan 2002-ci il təvəllüdlü F.Allahverdiyeva 2 gün əvvəl evdən çıxıb və bir daha geri qayıtmayıb. Bundan başqa Binəqədi qəsəbəsi 2-ci Mədən yaşayış massivində yaşayan 2000-ci il təvəllüdlü J.Mustafayeva da 4 gün əvvəl axşam saatlarında evi tərk edib və ondan xəbər almaq mümkün olmayıb.
Hər iki qızın anası polisə müraciət edərək kömək istəyib. Axtarış tədbirləri həyata keçirilir.