Avropa İttifaqı Rusiyaya qarşı yeni 17-ci sanksiya paketi üzərində işləyir.
Xarici KİV-in verdiyi məlumata görə, bu barədə Avropa Komissiyasının nümayəndəsi Giyom Mersye brifinqdə bildirib.
"Artıq 16 sanksiya paketi qəbul etmişik və indi 17-ci paket üzərində iş gedir. Dondurulmuş Rusiya aktivlərindən əldə edilən gəlirləri Ukraynaya yardım üçün istifadə edirik", - o vurğulayıb.
Qeyd edək ki, daha əvvəl ABŞ-nin müttəfiqlərinə Ukraynada nizamlanma planı təqdim etdiyi, bu plana Rusiyaya qarşı sanksiyaların yumşaldılmasının daxil olduğu barədə məlumat verilmişdi.

Conflict.az