ABŞ Dövlət katibi Ukraynanın paytaxtı Kiyevə səfəri çərçivəsində Prezident Vladimir Zelenski ilə görüşüb.
Bu barədə Dövlət Departamentinin mətbuat xidməti məlumat yayıb.

Qeyd olunub ki, görüşdə Zelenski ABŞ-ın Ukraynaya göstərdiyi yardıma, xüsusən energetika sahəsindəki köməyə görə Blinkenə təşəkkürünü bildirib. Prezident qeyd edib ki, Ukraynanı ağır qış gözləyir, lakin o əmindir ki, ukraynalılar bu sınaqdan keçə biləcəklər.

Blinken, öz növbəsində, Zelenski və komandasını görməyə şad olduğunu vurğulayıb. Onun sözlərinə görə, ABŞ Prezidenti Co Bayden Amerikanın Ukraynaya dəstəyini təsdiqləmək, o cümlədən ölkəsinin səylərini maksimuma qaldırdığını bildirmək üçün Kiyevə səfər etməsini istəyib.

Conflict.az