Bu gün Ermənistanın hökumət binasının üçüncü korpusunda yanğın baş verib.BakuPost xəbər verir ki, bu barədə Ermənistan Fövqəladə Hallar Nazirliyi məlumat yayıb.
Qeyd olunur ki, yanğın qəbul otaqlarından birində baş verib və kiçik sahəni əhatə edib. Hadisə yerinə göndərilən 6 yanğınsöndürmə maşını yarım saatdan sonra yanğını söndürə bilib. Yanğın nəticəsində mebel və digər əşyalara ciddi ziyan dəyib, xəsarət alan yoxdur.