!["Vətəndaşlarının təhlükəsizliyi, sağlamlığı və həyatı əsas prioritet olmalıdır” "Vətəndaşlarının təhlükəsizliyi, sağlamlığı və həyatı əsas prioritet olmalıdır”](https://conflict.az/uploads/posts/2023-12/medium/1701747946_oip.jpg)
Bolqarıstan Prezidenti Rumen Radev Ukraynaya əvvəllər təsdiqlənmiş zirehli texnika tədarükünə veto qoyub.
Bu barədə prezidentin mətbuat xidməti məlumat yayıb.
Radev vetonu zirehli texnikanın Bolqarıstanda - məsələn, sərhədlərin mühafizəsində və ya təbii fəlakətlərlə mübarizədə istifadə oluna biləcəyi ilə əsaslandırıb.
“Mən əminəm ki, Bolqarıstan vətəndaşlarının təhlükəsizliyi, sağlamlığı və həyatı əsas prioritet olmalıdır”, - prezident deyib.
Qeyd edək ki, noyabrın 22-də ölkə parlamenti 100 Bolqarıstan zirehli transportyorunun Ukraynaya pulsuz göndərilməsi haqqında sazişi ratifikasiya edib.
Təhvil verilməsi planlaşdırılan zirehli transportyorların təqribən 40 yaşı var və 1980-ci illərin sonunda Bolqarıstan hüquq-mühafizə orqanları tərəfindən ölkənin türk əhalisinin zorla köçürülməsi kampaniyası zamanı istifadə edilib. Daxili İşlər Nazirliyi onları köhnəlmiş adlandırır.
Conflict.az