Ukrayna Prezidenti Vladimir Zelenski polşalı həmkarı Anjey Duda ilə görüşüb.
Bu barədə LRT portalı məlumat yayıb.

Məlumata görə, görüş Litva Prezidenti Gitanas Nausedanın vasitəçiliyi ilə baş tutub.

Litva lideri bildirib ki, Polşa və Ukrayna arasındakı fikir ayrılıqları mümkün qədər tez həll edilməlidir, çünki böhranın daha da dərinləşməsi məsuliyyətsizlik olacaq.

Nauseda Zelenski və Duda ilə taxılın Polşa ərazisindən daşınması prosedurlarının sadələşdirilməsini və Litva ərazisindən tranzitin artırılmasını müzakirə edib. Danışıqların yaxın günlərdə də davam edəcəyi gözlənilir.

Qeyd edək ki, Ukrayna Prezident Ofisi hələlik görüşlə bağlı heç bir açıqlama verməyib.

Conflict.az