Yəməndə davam edən deeskalasiya və atəşkəsə baxmayaraq, İran bu ölkəyə silah göndərməkdə davam edir.
ABŞ-ın Yəmən üzrə xüsusi nümayəndəsi Tim Lenderkinq İranın Yəmənə silahla yanaşı, narkotik də göndərdiyini açıqlayıb.
ABŞ rəsmisi vurğulayıb ki, Yəməndə əldə olunan razılaşmanı alqışlasalar da, İranın bu ölkədəki rolundan narahatdırlar.
İran uzun müddətdir Yəməndə mərkəzi hakimiyyətə qarşı döyüşən qiyamçı “Husilər”ə dəstək verir.
“Husilər” ölkənin önəmli hissəsini işğal etdikdən sonra qonşu Səudiyyə Ərəbistanı hərbi müdaxilə etməyə məcbur olub. Müdaxilədən sonra qızışan münaqişə İranın iştirakı ilə uzun müddətdir davam edir.
Ötən günlərdə İran-Səudiyyə Ərəbistanı münasibətlərinin normallaşması prosesinə start verildikdən sonra Yəməndə tərəflər arasında qarşıdurmalara son qoymağa yönəlmiş sülh müzakirələri başlamışdı.

Conflict.az