"Vaqner"in muzdlu əsgərləri artıq Belarusdadır. Lakin orada kifayət qədər yaraqlılar olmadığı üçün Ukraynaya heç bir təhlükə yoxdur. Vaqnerçilər yalnız kiçik təxribat qrupları ilə Ukrayna müdafiəsini zəiflətməyə cəhd edə bilərlər.
Bunu Ukrayna Silahlı Qüvvələrinin zabiti, ekspert İvan Stupak deyib.
O qeyd edib ki, Tselva kəndindəki səhra düşərgəsində vaqnerçilərlə yanaşı, Belarus hərbçiləri də yerləşdiriləcək: "Belarus ərazisindən Ukrayna üçün mümkün təhlükənin yeganə variantını nəzərdən keçirirəm: 10-15 nəfərlik kiçik təxribat qrupları bizim müdafiəmizi daim tükəndirməyə çalışacaq, təxribat törədib atəş açacaq, patrul avtomobilini gülləbaran edəcək və s."

Conflict.az