Çexiya parlamentinin aşağı palatasının yeni seçilmiş spikeri Tomio Okamura binadan Ukrayna bayrağını endirib.
Okamura bayrağın endirilməsini əks etdirən videonu X sosial platformasında paylaşıb.
Bayrağın endirilməsi Okamuranın spiker kimi atdığı ilk addımlardan biri olub.
“Bu, müəyyən bir simvoldur. Ukrayna bayrağı mənim göstərişimlə binadan endirildi və bu, cəmi bir neçə saniyə çəkdi”, – deyə o bildirib.
Onun bu addımı Çexiya ictimaiyyətində birmənalı qarşılanmayıb.
Qeyd edək ki, Ukrayna bayrağı parlament binasında 2022-ci ildən asılmışdı.

Conflict.az