Almaniyanın keçmiş kansleri Angela Merkel hazırkı kansler Olaf Şoltsun Ukraynaya ​​“Taurus” raketləri tədarük etməmək barədə qərarına münasibət bildirib.
“Kiyevin müttəfiqləri Ukraynanı lazımi şəkildə dəstəkləməyi və Rusiyanın qələbəsinin qarşısını necə almağı bilirlər, lakin eyni zamanda ehtiyatlı davranmalıdırlar”, – Merkel deyib.
Angela Merkel “Die Zeit” qəzetinə deyib ki, ABŞ-ın keçmiş prezidenti Co Bayden “çox balanslı qərarları ilə Ukraynaya hansı yardımın və ona hansı silahların verilməli olduğunu göstərdi”.
Siyasətçi bildirib ki, hazırkı kansler Olaf Şoltsun Ukraynaya “Taurus” qanadlı raketləri verməkdən imtina etməsini başa düşür. “Düşünürəm ki, bunun müəyyən səbəbləri var”.
“Taurus” 500 km-ə qədər məsafə qət edə bilir. O, təyyarədən buraxılır və 900 km/saat sürətə çata bilir. 480 kq-a qədər yük daşıya bilir. Kiyev bu raketləri hələ 2023-cü ilin mayında Almaniyadan tələb etmişdi. Şolts Rusiya ilə birbaşa münaqişədən qorxaraq onları Ukraynaya verməkdən dəfələrlə imtina edib və buna görə təkcə Kiyev deyil, həm də alman siyasətçiləri tərəfindən tənqid edilib.
Rusiya Ukraynaya hərbi yardım göstərən ölkələri münaqişə tərəfi hesab edir.

Conflict.az