“Panama kanalının mülkiyyəti ilə bağlı ABŞ-la danışıqlar aparılmayıb”.
Bunu Panama Prezidenti Xose Raul Mulino deyib.
O bildirib ki, ABŞ dövlət katibi Marko Rubionun səfəri diqqəti ümumi maraqlara, o cümlədən miqrasiya və narkotiklərin qanunsuz dövriyyəsinə qarşı mübarizəyə yönəltməyə imkan verəcək.
Kanalın ABŞ-ın nəzarətinə qaytarılması ilə bağlı suala Mulino belə cavab verib:
“Bu mümkün deyil. Mən bu barədə danışıqlar apara bilmərəm. Kanal Panamaya məxsusdur. İstədiyim tək şey masanın üstündəki qarışıqlığı təmizləmək və immiqrasiya, təhlükəsizlik və narkotik ticarəti kimi mövzularda ABŞ-la çox səmimi danışa bilməkdir”, – Mulino vurğulayıb.

Conflict.az