Pentaqon, İran və onun müttəfiqlərinin ABŞ personalına hücumu ehtimalına qarşı dərhal cavab vermək və regiondakı maraqları qorumaq üçün ölkənin əlavə hərbi qüvvələrinin hazırlıq səviyyəsini yüksəldib.
Bu barədə məlumat Pentaqonun rəsmi saytında yayımlanıb.
Hesabatda qeyd edilir ki, ABŞ müdafiə naziri əlavə qüvvələrin yerləşdirilməsi və müxtəlif fövqəladə vəziyyətlərə cavab verməyə hazırlığı artırıb. Bundan başqa, Müdafiə Departamenti Yaxın Şərqdə möhkəm və inteqrasiya olunmuş hava hücumundan müdafiə sisteminə malik olduğunu vurğulayıb.
ABŞ müdafiə naziri Lloyd Austin, Yaxın Şərqdəki gərginliklə bağlı mütəmadi olaraq məlumat alır və "Avraam Linkoln" aviadaşıyıcısının rəhbərlik etdiyi zərbə qrupunun bölgədə qalacağını qeyd edib.
Conflict.az