Sentyabrın 24-də Sosial Tərəqqinin Dəstəklənməsi İctimai Birliyi Ağdam Dövlət Sosial-İqtisadi Kollecində "Qarabağın quruculuğunda iştiraka təşviq" layihəsi çərçivəsində ilk tədbirini keçirdi. Tədbiri giriş sözü ilə açan layihə rəhbəri Qasım Həsənov Azərbaycanın suverenliyi və bütövlüyü uğrunda canını fəda etmiş şəhidlərin ruhunun bir dəqiqəlik sükutla yad eilməsini təklif etdi. Şəhidlərin ruhu bir dəqiqəlik sükütla yad edildi. Layihə rəhbəri tədbirin Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə baş tutuduğunu dedi. Q.Həsənov tədbirin təşkilində yaxından köməyi üçün Azərbaycan Respublikası Prezident Admnistrasiyasına, Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinə, Ağdam rayon İcra hakimiyyətinə və Ağdam Dövlət Sosial-İqtisadi kollecinə minnətdarlığını bildirdi. "Azərbaycan bu gün Qarabağda dünyaya nümunə olacaq işlərə imza atır" - deyə çıxışını davam etdirən layihə rəhbəri bu istiqamətdə qəbul olunan qərarlar haqqında tədbir iştirkçılarına məlumat verdi. Sonra söz kollecin müəllimi Elgün müəllimə verildi.
"Azərbaycan prezidenti, silahlı qüvvələrin Ali Baş komandanı İlham Əliyevin rəhbərliyi ilə Qarabağın yenidən qurulması projesində əmək qabiliyyəti olan hər bir Azərbaycan vətəndaşı iştirak etməlidir"- sözləri ilə
başlayan kollecin müəllimi əlavə olaraq bildirdi ki, bu məsələdə gənclər daha aktiv olmalı, elmi-texniki tərəqqinin imkanlarından istifadə etməlidirlər.
Daha sonra söz layihənin eksperti Taleh Əliyevə verildi. T.Əliyev təbir iştirakçılarına 44 günlük Vətən müharibəsindən sonra Qarabağdakı quruculuqla bağlı geniş məlumat verdi. Bu istiqamətdə dünya təcrübələrindən danışdı. Qaçqınların və məcburi köçkünlərin öz ata-baba yurd-yuvalarına qayıtmasından sonra həyata keçirilməli olan məsəslərlə bağlı danışan T.Əliyev əlavə olaraq bildirdi ki, "Azərbaycan bu istiqamətdə dünya təcrübəsindən yararlanmaqla parlel, həm də dünyanın özünə nümunələr təqdim edir. O, tədbir iştirakçılarına bu prosesdə aktiv olmanın vacibliyini ilə bağlı çağrış etdi.
Tədbir, iştirakçıları maraqlandıran suallara cavab verildikdən sonra başa çatdı.
Conflict.az