!["Ermənistan hakimiyyəti bunda maraqlı deyil" "Ermənistan hakimiyyəti bunda maraqlı deyil"](https://conflict.az/uploads/posts/2024-06/medium/1719399244_666bf451c0a18666bf451c0a191718350929666bf451c0a16666bf451c0a17.jpg)
Ermənistanın Fransadakı səfirliyi bu ölkənin məmurlarına Qarabağla bağlı xəbərdarlıq edib.
Bu iddia ilə “Hraparak” qəzeti çıxış edib.
Qəzet yazır ki, səfirlik Qarabağ ermənilərinin dərhal Azərbaycana geri qaytarılmasını rəsmi görüşlərdə tələb edən fransız məmurlardan bu mövqelərindən əl çəkmələrini xahiş edib. Erməni diplomatlar fransızlara çatdırıblar ki, belə bəyanatlar Ermənistan münasibətlərinə və sülh müqaviləsinin imzalanma prosesinə ciddi maneə yaradır.
Həmçinin bildirilir ki, Qarabağ ermənilərinin geri qaytarılması böyük güclərin artıq gündəmində deyil. Onun gündəmə gəlməsinin isə Ermənistan hakimiyyətinin bu məsələni dövlət siyasətinin bir parçası edəcəyi halda mümkün ola biləcəyi vurğulanıb. Lakin Ermənistan hakimiyyəti hələlik bunda maraqlı deyil.
Conflict.az