İran regionda terrorizmin aparıcı maliyyəçisidir", bunu ABŞ Dövlət Departamentinin sözçüsü Metyu Miller brifinq zamanı deyib.
O, bu sözləri İranın özünü müdafiə etmək hüququna malik olub-olmaması ilə bağlı suala cavabında deyib.
"Biz İranın son bir neçə gündə üç qonşusunun suveren sərhədlərini pozduğunun şahidi olduq. Bir tərəfdən İran regionda terrorizmin aparıcı maliyyəçisi və qeyri-sabitliyin əsas mənbəyidir. Digər tərəfdən, iddia edir ki, terrorizmə qarşı mübarizə aparmaq üçün bu tədbirləri görməlidir.Beləliklə, siz bizim hərəkətə keçdiyimizi görəndə İraq hökumətinin dəvəti ilə bizim qüvvələrimiz İraqda olub.Qüvvələrimizin orada olmasının yeganə səbəbi sizsiniz' Beynəlxalq koalisiyanın bir hissəsi olaraq və husiləri kommersiya gəmiçiliyinə hücumlarına görə qınayan BMT Təhlükəsizlik Şurasının qətnaməsindən sonra etdiyimiz tədbirləri gördük”, - deyə Miller bildirib.
Bu arada, yanvarın 16-da İran silahlı qüvvələri “Ceyş əl-Ədl” terror qruplaşmasının iki qərargahına hücum edib. Pakistanda yerləşən qərargahı vurmaq üçün pilotsuz təyyarələr və raketlərdən istifadə edilib. Nəticədə 2 uşaq ölüb, 3 nəfər yaralanıb.
Conflict.az