Qərbdən F-16 qırıcılarının Ukraynaya tədarükü ilə bağlı rəsmi açıqlama verilməyəcək.
Bu barədə Fransanın “Le Monde” qəzeti məlumat yayıb.
Nəşrin Fransanın rəsmi hərbi mənbələrinə istinadla yazdığına görə, Ukraynaya gizli şəkildə 60-a yaxın döyüş təyyarəsi göndəriləcək, amma rəsmi açıqlama olmayacaq.
Ölkə rəsmisinin sözlərinə görə, qırıcıların tədarükü onlar Ukrayna səmasında görünəndə məlum olacaq.
Məqalədə o da qeyd olunur ki, Qərb tədarük ediləcək F-16-ların sayı ilə bağlı dəqiq açıqlama verməyəcək. Mənbələr Kiyevə 60-a qədər döyüş təyyarəsinin göndəriləcəyini təxmin edirlər.
F-16-ları ilk partiyasının yaxınlarda Danimarkadan göndəriləcəyi gözlənilir.
Almaniya mediası Ukrayna ordusunun F-16-ları aldıqdan sonra yenidən hücuma keçəcəyini bildirir.
Ukraynalı hərbi mütəxəssislər sözügedən döyüş təyyarələrinin Rusiya ilə müharibədə dönüş yaradacağını düşünürlər.
Conflict.az