Pentaqon təxminən 2 min hərbçiyə İsraili dəstəkləmək üçün mümkün fəaliyyətlərə hazırlaşmağı əmr edib.
Bu barədə xarici media ABŞ Müdafiə Nazirliyindəki mənbələrə istinadla məlumat yayıb.

Pentaqon əmin edib ki, ABŞ ordusu hərbi əməliyyatlarda iştirak etməli olmayacaq - onların funksiyaları məsləhətləşmə və tibbi yardım göstərməkdən ibarətdir.

Məlumata görə, söhbət həm Yaxın Şərqdə, həm də ondan kənarda, o cümlədən Avropada yerləşən hərbi personaldan gedir.

Amerikalı hərbçilərin hansı şəraitdə və hansı vaxt çərçivəsində münaqişə zonasına köçürülə biləcəyi aydın deyil.

Conflict.az