"Fələstin Administrasiyası deyil, HƏMAS radikal hərəkatı tamamilə məhv edilməlidir. HƏMAS-ın ifrat ünsürləri bütün Fələstin xalqını təmsil etmir".
Bunu ABŞ Prezidenti Co Bayden CBS telekanalına verdiyi müsahibədə deyib.

Amerika lideri qeyd edib ki, Fələstinin iqtidarı qorunmalıdır, dövlətin mövcudluğu üçün “iki dövlətli həll” adlandırılan bir yol lazımdır.

O əlavə edib ki, bu, Birləşmiş Ştatların onilliklər ərzində tutduğu yanaşmadır.

"Bu, Qəzza zolağında və İordan çayının qərb sahilində yaşayan beş milyon fələstinli üçün İsrailin yanında müstəqil dövlət yaradacaq", - Bayden deyib.

Bundan əvvəl Pentaqon rəhbəri Lloyd Austin Yaxın Şərqdə sabit sülh istəyən hər kəsi Fələstinin radikal HƏMAS hərəkatını pisləməyə və təcrid etməyə çağırıb.

Conflict.az