Mən Ermənistan Milli Assambleyasının Roma Statutu ilə bağlı qərarının qəbulunu alqışlamaq istərdim.
Bu barədə Fransanın xarici işlər naziri Ketrin Kolonna oktyabrın 3-də erməni həmkarı ilə birgə mətbuat konfransında bildirib.

“Digərləri ilə birlikdə bu, həm də çox mühüm əlamətdir ki, Ermənistan qətiyyətlə demokratiya və sülhə doğru irəliləyir, çünki ədalətsiz sülh yoxdur.

Fransanın Ermənistana bağlılığı uzun əsrlərə gedib çıxır. Bizim xalqları əsl dərin dostluq bağlayır və Fransa Ermənistanın dostu olmaqdan və Ermənistana və ermənilərə uzunmüddətli dəstək göstərməkdən qürur duyur”, - Kolonna bildirib.

Qeyd edək ki, Ermənistan parlamenti Beynəlxalq Cinayət Məhkəməsinin Roma Statutunu ratifikasiya edib. Roma Statutu oktyabrın 7-də, Rusiya Prezidenti Vladimir Putinin doğum günündə qüvvəyə minəcək.

BCM 17 martda Rusiya Prezidenti V.Putinin həbsi barədə order verib. Roma Statutunu ratifikasiya edən ölkələr Putinin həbsi ilə bağlı hüquqi addım atmağı öhdəsinə götürür.

Conflict.az