Dinc azərbaycanlılara qarşı qətliamlarda iştirak edən, vaxtilə separatçı-terrorçu xuntanın “rəhbərliyində” təmsil olunan Samvel Babayan Azərbaycanı necə tərk edə bildiyinə aydınlıq gətirib.
O, bu barədə Ermənistanın İctimai Televiziyasına müsahibəsində deyib.

Babayan bildirib ki, əvvəlcə Ağdərədən Xankəndiyə gəlib, daha sonra isə İrəvana gedən karvana qoşulub:

“Maşından düşüb Azərbaycan polisləri ilə salamlaşdım, 15 metr getdim, orada bir polis də dayanmışdı, onunla da salamlaşdım, maşın skanerdən keçəndən sonra oturub keçdim. Müfəttişlər 30 yaşlı gənclərdir, məni tanımırdılar. Heç kimin pasportunu da yoxlamırlar”.

Babayan həmçinin maskalanaraq postu keçdiyi barədə məlumatları təkzib edib.

Conflict.az