Polşa Ukrayna taxılının idxalı üçün sərhədləri açmayacaq.
Bu barədə Polşanın baş naziri Mateuş Moravetski özünün “X” sosial şəbəkə hesabında yazıb.
“Polşa Ukrayna taxılının ölkəni batırmasına imkan verməyəcək. Brüssel rəsmilərinin qərarı nə olursa olsun, biz sərhədlərimizi açmayacağıq”, - deyə Moravetski yazıb.
O, hökumətin yerli fermerlərin və onların məhsullarının qorunmasına zəmanət verdiyini xatırladıb və bununla bağlı video yayımlayıb. Süjetdə, həmçinin qeyd olunur ki, Varşavanın sərt mövqeyi Ukrayna taxılının Aİ bazarlarına idxalını dayandırıb.
Conflict.az