Arizona ştatından respublikaçı konqresmen Pol Qosar ABŞ prezidenti Co Baydenin Ukraynaya yardımla bağlı yeni təklifini tənqid edib.
Bu barədə "Ria novosti" yazıb.
Qosar Baydeni Ukraynaya kömək etmək əvəzinə ABŞ-ın problemlərini həll etməyə çağırıb və bildirib ki, ölkənin problemlərini birinci yerə qoymaq daha dəyərli bir missiyadır. Onun fikrincə, ABŞ-a cənub sərhədinin təhlükəsizliyini təmin etmək üçün resurslar ayrılmalıdır.
Diqqətə layiq digər məsələlər arasında Qosar şiddətli cinayətlərə, ABŞ-da narkotiklərin yayılmasına, evsizliyin yüksək səviyyəsinə və "səkilərdə yatan saysız-hesabsız veteranlara" işarə edib.
Conflict.az