Xankəndidəki separatçıların keçmiş “tş katibi” Samvel Babayan Birinci Qarabağ müharibəsində azərbaycanlılara qarşı törətdiyi cinayətlərə görə Azərbaycanın hüquq-mühafizə orqanlarının Qarabağ müharibəsi cinayətkarları siyahısında olduğunu deyib.
O, bu barədə erməni bloger Narek Kirakosyanın Yutub kanalına müsahibəsində danışıb.
“Mən də bu siyahıdayam. Siyahıda başqa kimlərin olduğunu dəqiq bilmirəm. Daha əvvəl də deyirdim ki, Azərbaycan 300-dən çox şəxsi müharibə cinayətlərinə görə axtarışa verib. Bildirirdim ki, qarşılıqlı etimad əldə etmək üçün onlarla danışmaq, dialoq aparmaq lazımdır. Amma bəzi axmaqlar dərhal yazdılar ki, guya mən özümü fikirləşirəm” - o bildirib.
Qeyd edək ki, Azərbaycan sərhədçiləri tərəfindən saxlanılan separatçı-terrorçu Vaqif Xaçatryan Babayanın sürücüsü olub.


Conflict.az