Ermənistanda müxalifətlə hakimiyyət arasındakı qarşıdurma artıq uçuruma çevrilib. Bir tərəfdə iqtidardakı yerini qorumağa çalışan fiqurlar, digər tərəfdə həmin fiqurları devirməyə çalışan başıpozuq, lidersiz kütlə. Hər iki tərəf bir-birini təhqir edir, aşağılayır.
Ermənistanın ən populyar qəzetlərindən biri olan "Hraparak" baş nazir Nikol Paşinyana və onun komandasına qarşı kəskin, radikal müxalifət mövqeyi ilə seçilir.
Qəzetin dünənki sayında "Bəlkə sözdən işə keçək?" başlıqlı geniş məqalə dərc olunub.
Yazıda N.Paşinyan hakimiyyəti bacarıqsızlıqda, yarıtmazlıqda, qeyri-peşəkarlıqda suçlanır. Bununla yanaşı, Paşinyanın hələ də hakimiyyətdə qalmasına rəvac verən orta statistik ermənilər sərt tənqid edilir.
Müəllif Ermənistanda indi klişeyə çevrilmiş ifadələrdən, "çeynənmiş" ibarələrdən və ştamp söz birləşmələrindən bol istifadə edərək cəmiyyətdə süstlük, ümidsizlik və bədgümanlıq kimi hislərin hökm sürdüyünü vurğulayır.

Conflict.az