Qondarma Luqansk və Donetsk “xalq respublikaları”nın ictimai palataları yerli hakimiyyət orqanlarından təcili olaraq Rusiyaya birləşmək üçün referendum keçirməyi tələb ediblər.
Avqustun sonunda analitiklər hesab edirdilər ki, yaxın gələcəkdə vəziyyətin bu cür inkişafı mümkün deyil, çünki regionların sərhədləri lazımi səviyyədə açılmayıb. Lakin indi, görünür, daha dəhşətli ssenari qüvvəyə minib.
“Respublikalar Rusiya ərazilərinə birləşsə, o zaman hücumlar davam edərsə, Moskva bunu öz dövlətinə qarşı təcavüz aktı kimi qəbul edə və kütləvi qırğın silahlarından istifadə edə bilər. Lakin referendum keçirildikdən sonra Ukrayna hücumu dayandırmasa, Rusiyanın bu cür hərəkətlərə keçməyə hazır olub-olmadığı tam aydın deyil. Ola bilsin ki, səsvermənin elan olunması ilə bağlı bəyanatlar Ukrayna hakimiyyətinə xəbərdarlıqdır: əgər onlar Donbassda hücumu dayandırmasalar, o zaman münaqişə yeni müstəviyə keçəcək. Bu, həm də hazırkı cəbhə xəttində döyüşləri dayandırmaq üçün Kremldən gizli təklif ola bilər” - Politika Strana nəşri belə yazıb.

Conflict.az