Taliban rejimi xarici qoşunların Əfqanıstandan çıxmasından sonra beynəlxalq hərbi kontingentlə işləmiş onlarla əfqan məmuru, təhlükəsizlik qüvvələrinin əməkdaşını və digərlərini öldürüb.
Bu barədə BMT Baş katibi Antonio Quterreşin təqdim etdiyi hesabatda deyilir.
“Keçmiş hökumət nümayəndələrinə, təhlükəsizlik qüvvələri əməkdaşlarına və beynəlxalq kontingentlə çalışmış şəxslərə ümumi amnistiyanın elan edilməsinə baxmayaraq, BMT missiyası bu şəxslərin öldürülməsi, oğurlanması və digər qanun pozuntuları ilə bağlı etibarlı məlumatlar almağa davam etdi”, - deyə bildirilib.
Conflict.az