Sizin reklam burada
Sizin reklam burada

"Səfirimiz deportasiyaya layiq bir hərəkət etməyib"

"Səfirimiz deportasiyaya layiq bir hərəkət etməyib"
Ərdoğanın səfirlərin "persona non-qrata" elan ediləcəyi ilə bağlı açıqlamasına ilk reaksiya İsveç və Norveçdən gəlib.
Hər iki ölkənin rəsmiləri Türkiyə səfirlərinin ölkəni tərk etməsi ilə bağlı heç bir məlumat almadıqlarını bildiriblər.

"Səfirimiz deportasiyaya layiq bir hərəkət etməyib", - deyə Norveç hökuməti bildirib.

İsveçdən də oxşar bəyanat gəlib.

Almaniya xarici işlər naziri isə digər 9 ölkənin rəsmiləri ilə "intensiv fikir mübadiləsi" apardıqlarını açıqlayıb.

Danimarka Xarici İşlər Nazirliyi səfir Denni Annanın Türkiyədən getməsi ilə bağlı onlara heç bir rəsmi məlumatın daxil olmadığı bildirilib. Bəyanatda deyilir: “Biz öz prinsiplərimizə və ortaq dəyərlərimizə qarşı həssas olmağa davam edəcəyik”.

Qeyd edək ki, ötən gün Türkiyə Prezidenti Rəcəb Tayyib Ərdoğan Kavalanın azad olunmasını tələb edən Kanada, Fransa, Finlandiya, Danimarka, Almaniya, Niderland, Yeni Zelandiya, Norveç, İsveç və ABŞ-ın Ankaradakı səfirlərinin "persona non-qrata" elan edilməsi barədə təlimat verib.

Conflict.az

  • Sosial şəbəkədə paylaş
XƏBƏR LENTİ