Ermənistan Baş Prokurorluğu Sisian şəhər bələdiyyə sədri, son parlament seçkilərində “Ermənistan” blokunun deputatlığa namizədi olan Artur Sərkisyanın toxunulmazlığının ləğvi üçün Mərkəzi Seçki Komissiyasına müraciət edib.
Sisian şəhər meri Cinayət Məcəlləsinin iki maddəsi ilə ittiham olunur.
Vəzifə səlahiyyətlərindən sui-istifadə və saxtakarlıqda ittiham olunan merin barəsində müvafiq məhkəmənin iki ay müddətində həbs qərarı çıxaracağına şübhə yoxdur.
Qeyd edək ki, Sünik (Zəngəzur) regionuna daxil olan Sisian Nikol Paşinyana qarşı aksiyaların mərkəzi hesab olunurdu.
Conflict.az