Aprelin 23 də Bakı şəhəri Binəqədi rayonu ərazisində yerləşən Zəngilan rayonu 4 nömrəli tam orta məktəbdə Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirilən Azad Müəllimlər İctimai Birliyinin “Gənclər və yeniyetmələr arasında oxu mədəniyyətinin aşılanması və stimullaşdırılması ilə bağlı tədbirlərin təşkili” layihəsi çərçivəsində növbəti səkkizinci təlim keçrildi.
Oxunun növləri (Nəzərdən keçirmə- Skimming, Axtarış üçün oxu- Scanning, İntensiv Oxu- Təfərrüatlı oxu, Rahat oxu) əyani şəkildə təlim iştirakçılarına göstərildi və həyata keçiridi.
"Kitabları qoruyub saxlamaq üçün nə etməliyik?" sualına cavablar səsləndirildi.
VENN diaqramının köməyi ilə Elektron və çap kitabının fərqi araşdırıldı. Müsbət və fərqli cəhətləri qrup şəklində işlənərək göstərildi. Təlim iştirakçıları həm təlim mövzularından, həm də təlimçinin öyrətmə texnikasından çox razı qaldılar.
Conflict.az