Bu gün, aprelin 2-də Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə Vətəndaş İştirakçılığının Təşviqinə Dəstək İctimai Birliyinin həyata keçirdiyi "Yaşıl Dünya Uğrunda" Vətəndaş Cəmiyyəti Platformasının qurulması və inkişaf etdirilməsi layihəsi çərçivəsində planlaşdırılan 8 (səkkiz) təlimin növbəti- sayca üçüncü “Ekaloji iz” mövzusunda təlimi keçrilmişdir.
Tədbiri giriş sözü ilə açan Vətəndaş İştirakçılığının Təşviqinə Dəstək İctimai Birliyinin sədri, "Yaşıl Dünya Uğrunda" Vətəndaş Cəmiyyəti Platformasının qurulması və inkişaf etdirilməsi layihəsinin rəhbəri Taleh Əliyev içtirakçıları salamladıqdan sonra bildirdi ki, ekoloji iz mövzusunda təqdimatı dinlədikdən sonra layihənin yekununda təsis olunacaq koalisiyanın formalaşdırılması üçün təşkilat komitəsi yaradılacaq. Sonra layihənin eksperti, ekoloq alim Elçin Sultanov “Ekaloji iz” mövzusunda təqdimatla çıxış etdi. Çıxışdan sonra təlim iştirakçıları qurulması planlaşdırılan ekoloji koalisiya ilə bağlı geniş müzakirələr apardılar. Qərara alındı ki, koalisiyanın təsis sənədlərinin hazırlanması və digər təşkilati işlərin aparılması üçün 15 QHT nümayyəndəsindən ibarət təşkilat komitəsi yaradılsın.
Xatırladaq ki, layihənin icra planına uyğun olaraq təlimlərə 25 Qeyri-Hökumət Təşkilatının nüməyəndəsi cəlb edilib.

Conflict.az