Ukrayna dairəsindən “Həzi Aslanov” metrosu istiqamətində, Məhəmməd Hadi küçəsinin dairəyə yaxın hissəsi hasara alınıb.

Axar.az xəbər verir ki, ərazidə aparılan tikinti işləri ilə bağlı hasarlanma səbəbindən piyadaların yolu da bağlanıb.

Qeyd edək ki, tikintinin əhatə etdiyi ərazi kiçik parkın bir hissəsidir və hasara alınan ərazidə çoxlu ağac var. Tikinti ərazisinə düşən ağacların kəsiləcəyi də ehtimal edilir.

Ərazidə aparılan tikintinin təyinatı ilə bağlı Xətai Rayon İcra Hakimiyyətinə göndərdiyimiz sorğuya cavab verilməyib.