Bakıda pakistanlı qadının evindən 5000 dollar, 3400 manat və 10 000 manatlıq qızıl oğurlandı - FOTO

Hadisə

568

Bakıda pakistanlı qadının evindən 5000 dollar, 3400 manat və 10 000 manatlıq qızıl oğurlandı - FOTOBakı şəhər sakini qonşusu olan Pakistan vətəndaşının evindən oğurluq edib.
Bakıda pakistanlı qadının evindən 5000 dollar, 3400 manat və 10 000 manatlıq qızıl oğurlandı - FOTO
Daxili İşlər Nazirliyinin mətbuat xidmətindən Publika.az-a verilən məlumata görə, Sabunçu rayonunda yaşayan Pakistan vətəndaşı olan bir qadın evindən naməlum şəraitdə 3400 manat, 5000 ABŞ dolları, 90000 Pakistan rupisi və 10000 manat dəyərində qızıl əşyalar oğurlandığı barədə 12-ci Polis Şöbəsinə məlumat verib. Şöbəyə məlumat daxil olan kimi zərərçəkənin izahatı alınıb və dərhal cinayəti törətməkdə şübhəli bilinən şəxsin axtarışlarına başlanılıb.
Bakıda pakistanlı qadının evindən 5000 dollar, 3400 manat və 10 000 manatlıq qızıl oğurlandı - FOTO
Polis əməkdaşları tərəfindən həyata keçirilən uğurlu əməliyyat-axtarış tədbiri nəticəsində qeyd edilən cinayəti törətməkdə şübhəli bilinən Bakı şəhər sakini, əvvəllər məhkum olunmuş Qurban Məhərrəmov saxlanılıb. Araşdırma zamanı məlum olub ki, Q.Məhərrəmov zərərçəkənin qonşuluğunda yerləşən məhəllədə yaşayır. Bu səbəbdən o, ev sahibinin mənzilə gəlib-getmə vaxtını əvvəlcədən bilib. Hadisə günü saxlanılan şəxs zərərçəkənin evdə olmadığına əmin olandan sonra oğurluq məqsədi ilə mənzilə daxil olub.
Bakıda pakistanlı qadının evindən 5000 dollar, 3400 manat və 10 000 manatlıq qızıl oğurlandı - FOTO
Faktla bağlı Cinayət Məcəlləsinin müvafiq maddəsi ilə cinayət işi başlanılıb, araşdırmalar aparılır. Saxlanılan şəxsin əməllərindən zərərçəkən başqa şəxslər varsa, Daxili İşlər Nazirliyinin “102” Zəng Mərkəzinə və ya Sabunçu Rayon Polis İdarəsinin 12-ci Polis Şöbəsinə məlumat verə bilərlər.