79 saylı İmişli DSK-nın sədri Ramil Nəsirov namizədlərə Vilyam Hacıyevin adından istifadə etməklə təsir edir

Gündəm / Cəmiyyət / Bölgə

859

79 saylı İmişli DSK-nın sədri Ramil Nəsirov namizədlərə Vilyam Hacıyevin adından istifadə etməklə təsir edir
Bir neçə saat öncə İmişli rayonundakı mənbədən Conflict.az-a daxil olan daxil olan məlumatda qeyd edilir ki, 79 saylı İmişli DSK-nın sədri Ramil Təyyar oğlu Nəsirov bu dairədən namizədliyini irəli sürmüş bəzi şəxslərlə "işgüzar" görüşlər keçirib. Mənbənin bildirdiyinə görə DSK sədri həmin namziədlərə müəyyən təkliflər etməklə, onların geri çəkiməsini istəyib. Məlumatda o da qeyd edilir ki, Ramil Nəsirov bu təklifləri İmişli rayon İcra Hakimiyyətinin başçısı Vilyam Hacıyevin adından edib. Xatırladaq ki, vəd olunanlar əsasən müəyyən məbləğdə pul vəsaiti, rayon ərazisində, böyük ölçüdə əkin sahəsi və s. olub. İmişlidəki mənbənin verdiyi məlumata görə Ramil Nəsirov xüsusi inamla həmin şəxslərə Vlyam Hacıyevin adından vədlər verərkən qeyd edib ki, "sən hə de, mən bu saat başçıya deyim, həll etsin". Əslində 79 saylı İmişli DSK-nın sədri Ramil Nəsirovun bu məlum hərəkətləri seçkiyə öncədən müdaxilə və vəzifəli şəxsin adından sui-istifadədir. Ölkə başçısı cənab İlham Əliyev seçkiyə start verildikdən sonra dəfələrlə yerli icra strukturlarının və DSK-ların seçkiyə müdaxiləsinin yolverilməz olduğunu qeyd edib. Lakin göründüyü kimi 79 saylı İmişli DSK-nın sədri Ramil Nəsirov səlahiyyət həddini aşmaqla seçkiyə müdaxilə edir. Və nəinki müdaxilə edir, o cümlədən bu işdə özünə istinad nöqtəsi də tapıb - İmişli rayon İcra Hakimiyyətinin başçısı Vilyam Hacıyevi. Mətbuat olaraq onu da qeyd etmək istəyirik ki, məhz bu kimi hallar ölkəmizin imicinin beynəlxalq aləmdə korlanmasına səbəb olacaq addımdır. Sözsüz ki, dövlətin imicinin korlanmasının bir adı var - XƏYANƏT Eyni zamanda o da maraqlıdır ki, Ramil Nəsirov bu məsələni öz məntiqi ilə həyata keçirir, yoxsa kimlərinsə tapşırığını icra edir? Çünki ölkə məhz növbədənkənar parlament seçkiləri ilə əlaqədar həssas dönəmə keçib. İnsanların seçib-seçilmək hüququna müdaxilə etmək isə sadəcə cinayətdir. Sabiq polis rəisinin oğlu olan Ramil Nəsirovun bunu bilməməsi absurddur. Diqqətli oxucuların nəzərinə onu çatdıraq ki, Ramil Nəsirov İmişli rayon polis şöbəsini sabiq rəisi Təyyar Nəsirovun oğludur. Bəs elə isə sabiq polis rəisinin oğlu bu əməlləri nədən edir? Axı ölkədə azad seçkilərin keçirilməsi, kiminsə iradəsinə müdaxilə edilməməsi məhz qanunun tələbi və ölkə Prezidentinin bilavasitə tapşırığıdır. Ramil Nəsirov Prezidentin iradəsinə qarşımı çıxır? Onu da xadırladaq ki, qeyd olunan məlumatla bağlı Conflict.az-ın redaksiyasında daha ciddi məlumatlar var. 79 saylı İmişli DSK-nın sədri Ramil Nəsirovun rayondakı "Nərgizim" şadlıq sarayının nəzdindəki restoranda kimlərlə və nə üçün görüşdüyünün tam təfsilatını zaman-zaman dərc edəcəyik. Maraqlı tərəflərdən biri isə məhz İmişli rayon İcra Hakimiyyətinin başçısı Vilyam Hacıyevdir. Axı Ramil Nəsirov məhz onun adından sui-istifadə edir. Əməkdaşımız redaksiyaya daxil olan məlumatdakı faktların dəqiqləşdirilməsi ilə bağlı Ramil Nəsirovun 051 384.... nömrəli telefonuna zəng etsədə, təəssüf ki, sabiq polis rəisinin oğlu, 79 saylı DSK-nın sədri dəstəyi qaldırmadı. Görəsən MSK sədri Məzahir Pənahov necə, zəng etsə Ramil Nəsirov yenədəmi dəstəyi qaldırmayacaq? Hər halda bu məsələnin məhz MSK sədri tərəfindən nəzarətə götürülməyidə dövlətə xidmət nümunəsi olardı.
Mövzuya qayıdacağıq.

Redaksiya məlumatda adı çəkilən qurum və ya şəxslərində cavab haqlarını tanıyır, dərc etməyə hazırdır.

Conflict.az