Tiflisdə Türkiyəyə dəstək aksiyası keçirilir – Foto

Foto

79

Tiflisdə Türkiyəyə dəstək aksiyası keçirilir – FotoAzərbaycanlı gənclər Tiflisdə Türkiyənin Gürcüstandakı səfirliyinin binası qarşısında dəstək aksiyası keçirirlər.

Report xəbər verir ki, bir qrup gəncin qatıldığı aksiyada Türkiyə Silahlı Qüvvələrinin Suriyanın şimalında həyata keçirdiyi "Sülh çeşməsi" antiterror əməliyyatına dəstək ifadə olunur.

Əllərində Türkiyə, Azərbaycan və Gürcüstanın bayraqları olan aksiya iştirakçıları “Bir millət - iki dövlət”, "Türk türkə dayaqdır!", "Türk əsgəri, daima səninləyik!" və digər şüarlar səsləndirirlər.

Gənclər türk əsgər salamı verərək Türkiyə hərbçilərinə dəstək olduqlarını bildiriblər.

Türkiyənin Gürcüstandakı səfiri Fatma Ceren Yazqan aksiya iştirakçıları ilə görüşərək dəstəyə görə onlara minnətdarlığını bildirib. O dəstəkdən qürurlandığını deyib.

Diplomat Türkiyə, Azərbaycan və Gürcüstanın hər zaman bir yerdə olduğunu söyləyib.