Sosial şəbəkələrdəki problemlə bağlı - Rəsmi açıqlama

Cəmiyyət

205

Sosial şəbəkələrdəki problemlə bağlı - Rəsmi açıqlama16:31

Feysbuk sosial şəbəkəsində problem yaranıb.

Axar.az xəbər verir ki, istifadəçilər bu sosial şəbəkəyə girə bilmirlər və yaxud səhifə açılsa da, xidmətlər aktiv deyil.

Feysbukdan problemlə bağlı hər hansı açıqlama yayılmayıb.

***

Nəqliyyat, Rabitə və Yüksək Texnologiyalar Nazirliyi sosial şəbəkələrin işində yaranan problemlə bağlı açıqlama yayıb.

Qeyd edilib ki, bu gün dünyanın bir sıra ölkələrində sosial şəbəkələrdən istifadədə problemlər yaranıb: “Azərbaycanda da istifadəçilər Feysbuk, İnstaqram və Votsap tətbiqlərindən istifadə zamanı problemlərlə qarşılaşıblar. Belə ki, sosial şəbəkələrə giriş mümkün olmayıb”.

Nəqliyyat, Rabitə və Yüksək Texnologiyalar Nazirliyi bəyan edir ki, sosial şəbəkələrin işində müşahidə olunan nasazlıq qlobal xarakter daşıyır və yerli telekommunikasiya sistemlərindən, həmçinin mobil operatorlardan qaynaqlanmır.

“Populyar internet resurslarının işini təqib edən “Downdetector” xidmətinin məlumatına əsasən, istifadəçilərin 24 faizi sosial şəbəkələrə daxilolma, 75 faizi isə istifadə ilə bağlı problemlə qarşılaşıb.

ABŞ, Monteneqro, Gürcüstan, Serbiya, Bolqarıstan, Yunanıstan, Türkiyə, Bosniya Hersoqovina, Cənubi Koreya, Makedoniya, İraq, Malayziya, Kipr və digər ölkələrdən olan istifadəçilər “Downdetector” xidmətində adıçəkilən sosial şəbəkələrin çökdüyünü bildirirlər”, - məlumatda qeyd olunub.