İlham Əliyev Qazaxıstanın yeni prezidentini təbrik etdi

Siyasət

85

İlham Əliyev Qazaxıstanın yeni prezidentini təbrik etdi
Azərbaycan Prezidenti İlham Əliyev Qazaxıstanın yeni seçilmiş Prezidenti Kasım-Jomart Tokayevə təbrik məktubu ünvanlayıb.

Conflict.az-ın xəbərinə görə, məktubda deyilir:

"Hörmətli Kasım-Jomart Kemeleviç,

Qazaxıstan Respublikasının Prezidenti vəzifəsinə seçilməyiniz münasibətilə Sizi ürəkdən təbrik edirəm.

Azərbaycan-Qazaxıstan münasibətləri xalqlarımızın ortaq tarixi, milli, mənəvi köklərindən qaynaqlanır. İnanıram ki, belə möhkəm təməllərə əsaslanan dövlətlərarası münasibətlərimizin və strateji tərəfdaşlığımızın bundan sonra da inkişaf etdirilməsi, ikitərəfli və çoxtərəfli qaydada əməkdaşlığımızın daha da dərinləşdirilməsi istiqamətində birgə səylər göstərəcəyik.

Sizə möhkəm cansağlığı, xoşbəxtlik, qardaş Qazaxıstan xalqının rifahı naminə fəaliyyətinizdə uğurlar arzulayıram".