Sizin reklam burada
Sizin reklam burada

BEYLƏQANDA SABİQ DEPUTAT YERLİ SAKİNİN TORPAQ SAHƏSİNİ ZƏBT EDİB-ŞOK OLAY

BEYLƏQANDA SABİQ DEPUTAT YERLİ SAKİNİN TORPAQ SAHƏSİNİ ZƏBT EDİB-ŞOK OLAYBu günlərdə “GündəmXəbər”in redaksiyasına Beyləqan rayonu Əlinəzərli kənd sakini Əliyev Ruhid Məhəmməd oğlu tərəfindən müraciət daxil olub.

Müraciət müəllifi yazır ki, “2014-cü ildə Beyləqan rayonunun sabiq deputatı, oliqarx Ayaz Orucov şəhərin mərkəzində yerləşən və bizim ailəyə məxsus olan, həmçinin Azərbaycan Respublikası Əmlak Məsələləri Dövlət Komitəsinin Yanında Daşınmaz Əmlakın Reyestri Xidmətinin 6 saylı Ərazi İdarəsi (qeyd № 3/15), inventar nömrəsi 15 olmaqla qeydiyyatda olan 0.20 ha torpaq sahəmizi daşıdığı vəzifəsindən sui-istifadə etməklə zorla əlimizdən alıb və bizə məxsus olan həmin ərazinin yaxınlığında fırıldaqçılıqla dövlətimizdən oğurladığı təxminən 1 hektara yaxın dövlətə məxsus torpaq sahəsini, özü üçün qeyri-qanuni inşa etdirdiyi imarətin həyətinə qatıb. Deputatın bu qədər sərvət toplaması və oliqarxa çevrilərək “at oynatması”, həmçinin bu şəxsin atdığı addımlara görə müvafiq dövlət qurumları tərəfindən ona qarşı heç bir tədbirin görülməməsi olduqca müəmmalıdır. Halbuki, bu şəxs özü üçün inşa etdirdiyi imarətin əhatə etdiyi torpaq sahəsinin heç bir hüquqi sənədi yoxdur. Həmin torpaq sahəsi vaxtilə Rayon İcra Hakimiyyətinin qərarı ilə, rayonda musiqi məktəbi tikilməsi məqsədilə ayrılmışdır. Bununla bağlı müvafiq orqanlara dəfələrlə şikayətlər ünvanlasaq da, sabiq deputatı himayə edənlər şikayətimizə baxılıb haqlı qərar çıxarılmasına imkan verməyiblər. Ona görə də xahiş edirik ki, Ayaz Orucov tərəfindən pozulmuş hüquqlarımızın bərpası üçün bizə öz dəstəyinizi, öz köməkliyinizi göstərəsiniz. Ümid edirəm ki, şəxsi torpaq sahəmizi qeyri-qanuni yollarla ələ keçirən Ayaz Orucovla və onu himayə edən şəxslər barəsində cinayət işi açılmalıdır. Ölkəmizin ali qanunlarını saya salmayan harınlamış bu məmurlar barəsində ölçü götürülməlidir.Əlimizdə torpaq sahəsinin bizə məxsus olmasını təsdiq edən hüquqi sənədlərimiz var”.


Qarşı tərəfi dinləməyə hazırıq.

Conflict.az

  • Sosial şəbəkədə paylaş