Tarix : 11-09-2017, 12:36 | Bölmə: Gundem, Bolge |
İMİŞLİ MERO-DA KƏMALƏDDİN, FƏXRƏDDİN VƏ RAMİZ ÜÇBUCAĞI... Mirqiyas Kazımovun qladiatorlarının öz “qanun”ları var.

İmişli Regional Qeydiyyat İmtahan və Texniki Baxış şöbəsində şəxsi maraq müstəvisində baş verən hadisələrlə bağlı mətbuat mütəmadi məlumatlar dərc etsə də, bu qurumun rəhbərliyinə hələ ki, DUR komandası verilməyib.
İMİŞLİ MERO-DA KƏMALƏDDİN, FƏXRƏDDİN VƏ RAMİZ ÜÇBUCAĞI...
Nəzərə alsaq ki, şöbə rəisi Mirqiyas Kazımov həftənin yalnız bir və ya iki günü xidməti otağında sadəcə görünür, o zaman... O zaman bu dövlət qurumunda nələrin baş verdiyi tam mənzərəsi ilə aydın olar. Rayondakı mənbənin Conflict.az-a verdiyi məlumata görə xidməti işinə barmaqarası baxan bu məmur əsasən paytaxtda məskunlaşıb. Deyəsən Seyid nəslindən olan cənab Kazımov “Seyid Cəddinə arxayın olub” atalar məsəlini işinə tətbiq edib. Yəni mən olmasam belə... Mənbənin verdiyi məlumata görə Mirqiyas Kazımovun dövlət görəvinə barmaqarası baxması bu qurumda çalışan bəzi “uzaqgörənlərin” işinə də yarayıb. Məlumata əsasən İmişli Regional Qeydiyyat İmtahan və Texniki Baxış şöbəsində çalışan Kəmaləddin Əliyev, Fəxrəddin Hacıyev və Ramiz adlı əməkdaşlar artıq el arasında MERO kimi tanınan, İmişli Regional Qeydiyyat İmtahan və Texniki Baxış şöbəsində öz “qanunlarını” tətbiq ediblər.
İMİŞLİ MERO-DA KƏMALƏDDİN, FƏXRƏDDİN VƏ RAMİZ ÜÇBUCAĞI...
Yəni avtomobilini texniki baxışdan keçirmək istəyən sürücüyə nə qədər qəribə də olsa həmin nəqliyyat vasitəsilə ora gəlməsi vacib deyil. Əgər ki... Adlarını yuxarıda qeyd etdiyim “troykanın qanunları”na əməl edirsənsə. Məlumatı verən mənbə əlavə olaraq bildirdi ki, İmişli Regional Qeydiyyat İmtahan və Texniki Baxış şöbəsində sürücülük vəsiqəsi almaq da bir o qədər zor iş deyil. Belə ki, Kəmaləddin Əliyev, Fəxrəddin Hacıyev və Ramiz üçlüyü üçün sadəcə yox yoxdur. Hər üç şəxs haqqında əldə etdiyimiz çoxsaylı məlumat bizdə bu şəxslərin İmişlinin İyo Kiyo babası olduğu qənaətini də yaratdı. Yəni sadəcə sən arzula. Mənbə əlavə olaraq onu da qeyd etdi ki, hər üç şəxs haqqında dəfələrlə müvafiq dövlər qurumlarına şikayət xarakterli müraciətlər olunsa da, sonucda udan tərəf Kəmaləddin Əliyev, Fəxrəddin Hacıyev və Ramiz üçlüyü olub. Nədən? Çünki “troyka” hətta ilanın belə problemini Seyidin fətvası ilə həll edirlər.

Mövzuya qayıdacağıq.

Redaksiyadan: Məlumatda adı çəklilən qurum və ya şəxslərin də cavab haqqlarını tanıyırıq və dərc etməyə hazırıq.


Conflict.az dle 10.1
(Reytinq:3)

"Conflict.Az"-ı Facebookda izləyin

Zəhmət olmasa 10 saniyə gozləyin Bağla