Kəşfiyyat rəhbəri od püskürdü

Gündəm / Dünya

253

Kəşfiyyat rəhbəri od püskürdü "ABŞ İranın nüvə silahı hazırlamasının qarşısını ala bilər. Bu ölkə belə silahlar hazırlamağa cəhd göstərsə, bunun böyük ziyanı və nəticələri ilə üzləşər".
Conflict.az-ın ANS PRESS-ə istinadən məlumatına görə, bunu Mərkəzi Kəşfiyyat İdarəsinin (MKİ) direktoru Con Brennan Fox News televiziya kanalına deyib.
Onun sözlərinə görə, Vaşinqtonun rəsmi Tehranın nüvə dövlətinə çevrilməməsinə nail olması üçün bir neçə yolu var: "İran rəsmiləri nüvə silahı hazırlamağa cəhd göstərsələr, “özlərini riskə atacaqlarını bilirlər. İranlıların həyata keçirəcəklərini söylədikləri məsələlərdən bəzilərini yoxlamaq üçün ABŞ kəşfiyyatının daha yaxşı planı və imkanı var”.
Hazırda ABŞ, İran, Almaniya, Böyük Britaniya, Fransa, Çin və Rusiya Tehrana sanksiyaların yumşaldılması əvəzində nüvə fəaliyyətinin məhdudlaşdırılması üçün razılaşma əldə etməyə çalışırlar. Bu anlaşmaya nail olmaq üçün bir həftəlik zaman qalıb.