Azərbaycanlı mühacir Hollandiyada kampda intihar etdi

Foto

48

Azərbaycanlı mühacir Hollandiyada kampda intihar etdiAzərbaycanlı mühacir Hollandiyada kampda intihar edib.

Conflict.az xəbər verir ki, bu barədə AzEuroNews.com-a Hollandiyada deportasiya üçün nəzərdə tutulmuş kampda qalan azərbaycanlılar məlumat veriblər. Onların sözlərinə görə, Bakının Yasamal rayonu qeydiyyatında olan Fikrət adlı şəxs Azərbaycana deportasiya edilməmək üçün damarlarını doğrayıb.

Hadisə ötən gün gecə saatlarında baş verib. Polis həmvətənimizi Azərbaycana göndərmək üçün onun qaldığı kampa gəlib. Lakin o, getməmək üçün üstündəki ülgüclə damarlarını doğrayıb.

Xəstəxanaya çatdırılan həmvətənimizin həyatını xilas etmək mümkün olmayıb.

Məlumatda deyilir ki, o, bir müddət əvvəl Almaniyadan Hollandiyaya göndərilib. İlk sığınacaq istədiyi ölkə Almaniya olub və o, bura 2016-cı ildə gəlib.

Deportasiya kampında qalan azərbaycanlıların sözlərinə görə, onun cənazəsinin yaxın günlərdə Azərbaycana göndəriləcəyi gözlənilir.

Conflict.az