VERGİLƏR NAZİRLİYİNDƏ NÖVBƏTİ KÜTLƏVİ İXTİSAR – Cabbarov müfəttişlərin “axırına çıxacaq” » Conflict.az

VERGİLƏR NAZİRLİYİNDƏ NÖVBƏTİ KÜTLƏVİ İXTİSAR – Cabbarov müfəttişlərin “axırına çıxacaq”

Cəmiyyət

225

VERGİLƏR NAZİRLİYİNDƏ NÖVBƏTİ KÜTLƏVİ İXTİSAR – Cabbarov müfəttişlərin “axırına çıxacaq”Vergilər Nazirliyində növbəti kütləvi ixtisar həyata keçirilib. “AzPolitika” Mia.az-a istinadla xəbər verir ki, nazir Mikayıl Cabbarov növbəti dəfə kütləvi işdənçıxarma ilə bağlı əmr imzalayıb. Belə ki, bu dəfə də ixtisarlara düşənlər Vergilər Nazirliyinin nəzdində büdcədənkənar fond hesablı müfəttişlər olub.

Saytın yazdığına görə, M.Cabbarov seçkidən sonra analoji əmr verərək hər idarədə 5-6 nəfər olmaqla, ümumilikdə 20-dən çox büdcədənkənar fond hesablı müfəttişləri işdən çıxarıb. O da bildirilir ki, Mikayıl Cabbarov büdcədənkənar fond hesablı müfəttişləri nazirlik sistemindən tamamilə uzaqlaşdırmaq istəyir. Yəqin ki, böyük səs-küy olmaması üçün bu sistemi birfələlik deyil, mərhələli şəkildə ləğv edəcək.

Məlumat üçün bildirək ki, Mikayıl Cabbarov vergilər naziri təyin olunandan sonra qısa müddət ərzində qurumda mühüm dəyişikliklər edib. Xüsusən də sabiq nazir Fazil Məmmədova yaxın bütün yüksək rütbəli məmurları nazirlikdən kənarlaşdırıb.

Görünən odur ki, nazir bu prosesi davam etdirmək niyyətindədir.